I Leisure (已結業)

今日去尖沙咀I Leisure, 新店楼上舖喺isquare对面唔难揾。装修华丽, 有特色鸟笼座位, 啱晒打卡！而家有优惠 点招牌shake shake海鲜袋 仲送麻辣小龙虾, 又几抵下！shake shake海鲜袋「海鲜盘」加入粟米、司华力肠等配料, 煮熟后再用餐厅独创嘅马来西亚特色辣汁, 放入海鲜袋摇匀,好似shake shake薯条咁。五款海鲜有 鲍鱼、大蚬、海虾、扇贝和青口, 活海鲜充满鲜味。扇贝大大只肉质鲜甜嫩滑, 鲍鱼烟韧有口感, 海虾爽口弹牙, 用海鲜袋均匀地醮满特式辣酱汁, 一打开已经香气扑鼻, 真系食到停唔到口！麻辣小龙虾鲜红色外表已经感受到麻辣嘅气息。小龙虾啖啖虾膏肉质鲜甜, 麻中带辣唔抢口, 十分惹味。墨西哥狂热Pizza薄批香脆可口, 加上大量芝士、沙乐美肠和风干火腿, 咸中带辣, 芝味无穷。最有惊喜是酸瓜粒, 中和咸度令风干火腿肉味更突出！