燚館特色粉麵 (已結業)

呢日收工同屋企人行大埔墟， 揾下附近有咩食， 经过南盛街附近， 见到有间新开嘅特色粉面舖， 喺门口见到餐牌有特色嘅汤面， 见到价钱唔贵就入去试下， 餐厅算系小店， 大约三至四十个座位左右， 餐厅环境几干净企理。五指毛桃椰子鸡鲍翅配银针粉呢度嘅粉面可以拣银针粉， 依家出面比较少见， 上枱嘅时候已经闻到好香嘅椰子味， 个汤底几清甜有鸡同椰子嘅香味， 份量都算几多。药膳鸡配银针粉当呢个药膳鸡银针粉上枱嘅时候， 已经闻到好香嘅当归味， 个汤底都好够药材味， 鸡肉唔会熟到个鞋。麻辣猪颈肉米线个汤都几够麻辣味， 辣嘅程度算系小至中辣， 猪颈肉都有煎过或者炸过几香口， 米线嘅面质都几滑。醉牛展/醉鸡翼两款醉嘅小食嘅调味都做得唔错， 酒味都几香， 跟面追加十蚊都算几抵。