醉胡爐 (已搬遷) 新店位置

身为火锅爱好者既我，得闲就会去试下新既火锅餐厅，今次就上网揾到呢间醉胡炉，一试佢个特色汤底，未去个时已经谂定咗系要鲜椰青鸡锅。可能因为book咗位既关系，可以有间房仔坐，无其他人望住食系会轻松啲。唔讲咁多直入主题，一开始会有员工系大家面前快炒个鸡锅底，中途加入酒时系几精彩，成件事已经令我觉得好香好好食。不得不提，个火锅勺设计得好好用。个汤底好好饮，清清甜甜有淡淡椰香，碌下嘢食，自自然然又会想饮一啖，冰豆腐索哂啲汤底，变得更加好食。手工饺子同手打丸都整得非常好，手打丸够弹牙。因为咩肉都想食，所以分别叫咗豚拼盘同牛拼盘，黑毛猪特别香浓，而和牛好出色，入口即溶，所以再追加咗一份和牛，食个够。总结，打边炉个汤底真系会令所有食材都加分，下次嚟个时会再试下其他汤底。而且环境都几舒服，无咩压迫感，值得再一试。