Tipsy burger (已結業)

今日开工嘅时候被通知今晚收工屋企无饭食！哼！我自己出去食好西！喺公司附近，呢条街好少人行但都有几间餐厅。自己一个唔食太浮夸嘅野，见呢间装修嘅配色好靓就入咗去😂Ocean tuna burger, 5块厚烧到半熟嘅吞拿扒配海胆酱同牛油果。海胆酱嘅厚鲜令成个饱嘅口味提升咗！平时食汉堡扒，块肉会有肉汁同油，好易漏到成手都系，但呢个系鱼肉扒，完全无呢个问题！Burger加薯条同野饮有set combo抵食d, 一于饮返罐啤酒！手工啤先有意思！呢只系hero啤同乐茶轩crossover嘅特色啤，好似未见过出面有得买。之前去过大馆乐茶轩，专饮靓茶嘅中菜茶馆，好认真。竟然而家出啤酒。nice始终唔系直接冲茶，茉莉嘅香味比麦香遮咗唔少。。。好淡嘅茶香。薯条即炸又无加盐，劲正！平时最怕多盐太咸，呢个净点茄酱已经够晒好味。