Tapas Brew (Greenfield Plaza) (已搬遷) 新店位置

今日去左大埔探朋友，夜晚无约人，顺便一齐食饭。朋友话佢附近有间西班牙餐厅，都几有特色，所以就带我去。餐厅灯光淡黄，色彩鲜艳，充满西班牙风情，仲有毕加索挂画做布置，都几有气氛。呢度系用电子餐牌点餐，疫情之下减少接触性风险，食得开人又放心。朋友话要食呢间餐厅嘅signature，所以就叫左个特色烤乳猪同小牛扒。特色烤乳猪卖相好好，色泽烤得好靓，均匀，外皮薄，烤得又脆又香，但内里肉软，啖啖肉，有肉汁，一d都唔干，味道唔太咸，好好食。 呢个罗马生菜包小牛扒个样都唔错，见到都想食。罗马生菜干净同爽就肯定架喇，小牛扒肥瘦比例恰当，只系落左小小盐调味，都已经带出牛嘅原味道，入口带肉汁，夹埋罗马生菜食就比较清新，唔会觉得太油腻，减轻罪恶感，好好味。