蠔燒

营业中

休息中

好耐冇过来宜安街食饭，见到呢个有一间蚝烧是食串烧当然要过来一试。烧烤种类有好多又有时令海鲜。蒜蓉豆皮内里包住蒜蓉外面有孜然粉，一口咬落啖啖蒜蓉香味，豆皮又几软熟。奶香小馒头细细个，外脆内嫩又有炼奶好好味。牛肉串肥瘦均匀，牛味香浓又够淋，鸡肾烧到好爽脆又香口。烧鱿鱼须细细块几弹牙，又好入味。烧韮菜火喉控制得刚刚好，又唔会烧得过㶶好味道。蒜蓉茄子，茄子上面舖满蒜蓉，味道又刚刚好，又唔辣茄子又够淋。烧娃娃菜烧到够淋又香。烧蚝有半打大大只，拎上台已闻到香喷喷，连埋蚝壳有我手掌咁大只，蚝好肥美又鲜甜。