瑞士餐廳 (已結業)

以前听人讲芝士火锅系瑞士国菜，一直都未有机会去瑞士见识。见呢几日天气冻左，去食返个鬼佬火锅暖下身先。瑞士餐厅装修好有特色，门口位置有只大牛牛系到。餐厅内部挂满晒瑞士国旗，令人有一种置身于瑞士感觉一样。除左芝士火锅，餐厅仲有好多唔同西餐选择。落完单，侍应即刻送上热辣辣而且免费嘅餐包。蕃茄蓉芝士火锅（$338)新薯仔（$38）/蘑菇（$38）/西兰花（$38）芝士火锅一上台已经闻到好浓郁奶香味同蕃茄香，本身有配法包，我地再另外叫左叫左新薯仔、蘑菇、西兰花，食落一啲都又唔会觉得太腻。德国烤咸猪手拼酸椰菜 ($288)咸猪手烤到好香，皮又烧到卜卜脆，配埋酸椰菜一齐食，越食越想食。配菜仲有新鲜热辣嘅薯条。自家制焦糖炖蛋 ($58)最后紧系要叫一个甜品为呢一餐画上完美句号。今次点左法式甜品Crèam Brûlée ，炖蛋软软滑滑连埋焦糖一齐食好好味。未有机会去瑞士嘅朋友，都不防可以黎呢到试下。