在家居酒屋 (已結業)

餐厅地方唔算大，灯光少少暗，营造出轻松舒适嘅气氛。而且有室内位亦有户外位置，客人可自行选择全室外或室内，适合俩小口约会，或者同一大班亲朋戚友饭局。食物卖相唔错，但系味道好一般。我哋叫咗几款串烧、炸鸡软骨、牛油果温泉蛋鸡饭、蔬菜天妇罗，几款刺身……总括嚟讲，唔算系好难食，但讲唔出有边一道好食、有印象。可能因为餐厅装修上仿似居酒屋嘅格局，所以对佢嘅食物会有一定期望。酒类无试到，不过眼见酒嘅款式都几多，钟意饮清酒配串烧嘅人可以一试，但我认为附近有更多好餐厅更值得推介。