菓甜品 (已結業)

今日同朋友喺尖沙咀食完饭，大家话未够喉要再食下甜品，本来大家都谂住过去厚福街𠮶边食，不过行行下见到宝勒巷街口有个易拉架，上面写住有间甜品舖叫菓甜品，而且啲图又好靓好吸引，仲有我至爱嘅心太软，于是大家都话去试下新嘢。间甜品店正正位于宝勒巷，喺马会对面，所以好易认。门面虽然细细，但中西式甜品都有，而且仲要好特色添，见到都流晒口水。餐牌啲图好靓，样样都好吸引，最后我哋3个人拣左3款甜品，大家share嚟食，咁就可以试多啲唔同口味。我哋叫左个丝丝入心 (即心太软)、樱花水信玄饼同埋魔鬼朱古力 (即雪糕新地)。丝丝入心 (即心太软) 有别于出面嘅心太软，唔系用碟上，而系用一个透明玻璃瓶去装住，上面系朱古力心太软，面头仲要有只朱古力蝴蝶喺上面，好似喺到翩翩起舞咁，瓶口位置有块脆饼， 瓶内有云呢拿雪糕配Oreo饼碎同红莓粒，当一切开个心太软，啲朱古力浆就会一滴一滴咁流落去雪糕上，做到一口雪糕，一口朱古力浆嘅效果，唔会太甜，加埋脆饼一齐食，完全系视觉与味觉嘅享受。🌸🌸樱花水信玄饼系一种日式嘅糕点，其实貌似透明嘅果冻，望落晶莹剔透，透出朶朶樱花，味道清淡，散发住淡淡的花香味。另外，再加少少黄豆粉同埋黑糖