藝程雅聚 (已結業)

放假入到去大尾督揾下好野食，见到呢间餐厅外观好有特色，好靓，好colorful，非常吸引。今晚就决定食你啦，于是走左入去坐底左，首先叫左2杯冰冻啤酒解解渴先，再慢慢睇下食乜喺等野食既小小时间，参观左佢呢到既环境，原来呢间餐厅既老板系一个画家，成间餐厅都系佢设计，墙上所有既画都系佢画，楼上3楼仲有个个人小画廊。虽然感觉主打好似一间画室多过餐厅，但试左佢地啲食物，一啲都唔会失色，配搭埋呢到既环境，食物都变得色彩左。😊串烧唔多款式选择，叫左份猪肉串烧，都烧好香口野味，再配埋个沙律菜，食完感觉都无咁热气。焗猪手皮相当香脆，而且肉质唔会鞋，加埋佢个酸酸甜甜既浆汁，零舍醒胃，食哂成碟都唔会觉得溜。巴拿马火腿pizza饼底够哂薄脆，上面既芝士焗完香气十足，食完都仲十分回味。烤鸡非常皮脆肉嫩，咬落仲好juice。同时呢到既员工态度很好，感到相当愉快既一晚。