花朝軒 (已結業)

听朋友讲呢度有一间好有特色又好味嘅餐厅，所以今晚揸车就入嚟食啦。一入到黎就见到呢度既装修好靓，有种怀旧又高级嘅感觉。呢个炖汤真系好足料，唔止饮落好味，而且感觉冇味精，连啲汤渣都好好味啊。我最钟意就系食芝士焗龙虾伊面，个龙虾食落好新鲜，肉质好鲜嫩，而芝士份量啱啱好，唔会无味亦唔会太滞。呢个豉椒炒圣子王都好新鲜，而且每只圣子都有肉，唔会好似平时啲餐厅咁得个壳，或者甩晒出嚟，而且豉椒够晒香。估唔到呢度都有胡麻酱手撕鸡，鸡肉好嫩滑，衬埋啲青瓜食落好fresh好开胃。避风塘排骨一上枱已经闻到好香啦，整得热辣辣，食落外脆内嫩，可以食多几碗饭啊。呢间中菜厅真系够晒高质，而且价钱又唔贵，虽然地点唔系咁方便，不过都岩哂有揸车嘅朋友入嚟食啊。