福岡漢堡扒 (厚福街) (已結業)

知道丫姨一向喜欢食和牛, 今晚特意带佢去到尖沙咀一间日本过江龙兼很有特色嘅汉堡扒餐厅试试。餐厅设有四张长台, 有胶隔板相间, 但如果人多坐位就唔算太松动。而每个位台头都有个小烟囱, 用以对准石烧位置, 即时吸取煎煮过程中嘅烟, 大大减低了整个环境嘅油烟感。我地每人各拣了一个SET,【芝士蛋和牛汉堡扒 (细) 】HK$106以蒜片煎蛋垫底, 上台时煎蛋已经熟了一半, 虽然质地不是滑, 带微脆香口, 很惹味。和牛碎肉搓成球状, 再加上了芝士碎。有小获铲铲小小份量放于石烧上, 轻微煎压至喜欢嘅生熟度。外层煎至金黄微脆, 而和牛碎肉避免了鞋口口感, 和牛juicy, 有肉嘅甜味。 芝士碎慢慢溶附于和牛上, 份量唔多, 所以咸香芝士味不太突出。另一款就order了 【鸡蛋和牛汉堡扒 (中) 】HK$110中size跟细size 其实相别亦唔会相差太大。呢个set差别在于少咗芝士同埋蒜片, 食落少了蒜嘅香口, 但蛋味就出返少少。每个set都配有饭+面豉汤+前菜+沙律饭同埋沙律, 有助边食和牛, 平衡一下牛脂嘅油腻。当石板唔够热时, 可以向店员免费更换, 可以放心慢慢享受石烧牛。