影片
更多
2020-06-10
671 浏览
其实我未去过米兰，真正嘅米兰猪扒亦都未食过。不过听人讲整米兰猪扒好复杂，平时都冇乜地方有得食，所以就嚟咗试，就系咁迷失咗喺米兰猪嘅世界度喇！如果要数全香港最好食嘅意粉，呢间当然排极都未到啦；不过要讲CP值够高嘅话，呢间都数一数二。八十几蚊嘅价钱，由餐汤、主菜意粉、餐饮到甜品有齐晒，试咗一次之后，我之后嚟佐敦附近谂唔到食咩都会帮衬，简直系高汁嘅西式平民饭堂！就由餐汤讲起啦。平时呢度都系得一款汤，冇得拣，通常会系杂菜汤或薯仔汤，杂菜汤清清地，唔系一般西餐厅落咗好多茄膏好稠好浓𠮶只，第一次饮可能会觉得味道偏淡，但饮惯咗其实都几舒服，而且会比浓味𠮶款更加开胃。至于薯仔汤就味道较浓，creamy得嚟亦非常惹味，仲饮到薯仔粉粉地嘅texture，个人嚟讲超级喜欢，加上出面都唔系好多地方有得饮，想止瘾嘅呢度会系极好选择。嘻，呢度嘅意粉我大部分都好钟意，因为真系好抵食。不过要数最最最钟意Top 1嘅一款，一定系米兰猪扒白汁长通粉！米兰猪扒拍到扁扁地先拎去炸，上枱都几大块，面层好似面包糠嘅口感，入口香脆爆汁，一个字：正！虽然西餐好似唔会落豉油，但我次次都好似食到少许豉油嘅鲜味，为件事加分；意粉有咬口，呢
如果要数全香港最好食嘅意粉，呢间当然排极都未到啦；不过要讲CP值够高嘅话，呢间都数一数二。八十几蚊嘅价钱，由餐汤、主菜意粉、餐饮到甜品有齐晒，试咗一次之后，我之后嚟佐敦附近谂唔到食咩都会帮衬，简直系高汁嘅西式平民饭堂！
就由餐汤讲起啦。平时呢度都系得一款汤，冇得拣，通常会系杂菜汤或薯仔汤，杂菜汤清清地，唔系一般西餐厅落咗好多茄膏好稠好浓𠮶只，第一次饮可能会觉得味道偏淡，但饮惯咗其实都几舒服，而且会比浓味𠮶款更加开胃。至于薯仔汤就味道较浓，creamy得嚟亦非常惹味，仲饮到薯仔粉粉地嘅texture，个人嚟讲超级喜欢，加上出面都唔系好多地方有得饮，想止瘾嘅呢度会系极好选择。
嘻，呢度嘅意粉我大部分都好钟意，因为真系好抵食。不过要数最最最钟意Top 1嘅一款，一定系米兰猪扒白汁长通粉！米兰猪扒拍到扁扁地先拎去炸，上枱都几大块，面层好似面包糠嘅口感，入口香脆爆汁，一个字：正！虽然西餐好似唔会落豉油，但我次次都好似食到少许豉油嘅鲜味，为件事加分；意粉有咬口，呢个很重要呀，我最怕就系淋Pat Pat，汁够味，够多、饱肚，不过每逢港式西餐厅总系会有啲奇怪嘅椰菜喺侧边，佢都keep到呢种特式嘅😂，但对整体嘅质素冇乜影响就是了。
甜品系芝士饼或吉士蛋。吉士蛋可能食唔惯，有啲苦，我都系钟意芝士饼多啲，浓味亦够香，蛋糕焗过有层香口嘅面，细细件，为成个Set画上完美句号。
当然啦，一分钱一分货，有时呢度啲服务都有啲混乱；而且落大雨我就好少去，因为天花板会滴水哈哈，好天去食，平、靓、正！
张贴