花香 (已結業)

圣诞佳节就到，肯定要揾啲美食庆祝吓。 就等我拣间特色啲嘅餐厅，食个圣诞大餐，同朋友同乐一番！👏👏餐厅就喺K11购物艺术馆B2楼，粉红色嘅一角，少女心出晒嚟。 餐厅名叫花香，食物大部份都用食用花点缀，又靓又吸睛，全部都要影相打卡呀！ 前菜嚟喇，分别有凉拌黑松露纹甲墨鱼，墨鱼切得粒粒方正，食落爽口，带点烟韧，清甜好味；另外嘅皮蛋豆腐，好有fusion感觉，外貎似西餐，食落又似中菜。鲜黄色花下面，原来系肉松、紫姜、皮蛋同豆腐嘅结合！栗子汤啡黄，用特式汤杯盛放，有浓郁嘅栗子香味，可惜太细杯。主菜我哋分别叫咗海胆雪人米型意粉同华丽大虾墨汁意粉。 金黄嘅海胆配上一粒粒嘅米型意粉，意粉口感特别，吸收晒海胆酱汁嘅鲜香，加上雪人点缀，够哂特色。 唔讲唔知，雪人系海胆芝士嚟架，唔系雪糕球，好有趣； 大虾意粉嘅虾新鲜入味，似平时食到嘅冻虾，配上黑色嘅墨鱼汁意粉，呢个组合好特别！两个意粉都做得非常有创意！甜品系草莓鲜奶厚吐司，惹人垂涎欲滴，白色乳酪铺上鲜红色嘅士多啤梨，都有啲圣诞色彩！饮品蜜桃乌龙茶，生津解渴，亦能消消滞。 另一杯系黑糖姜汁牛奶，饮落甜中带点姜汁微辣，够醒神，再配上悬浮嘅圣诞老人棉花糖，好得意