肉餅哥小炒料理 (已結業)

今晚同朋友去屋邨楼下晚饭，见到呢间『肉饼哥』，单单听个名都觉得劲。我地一行4人，一坐低，店员好快就送上例汤，非常有效率。我地点咗以下菜式：金沙蛋黄肉饼 - 肉饼上有咸蛋黄蓉，令本来传统平凡嘅肉饼生色不少。邪恶嘅咸蛋黄蓉，我相信无人不爱，同肉饼一齐食，双重质感，更添美味。原只波士顿龙虾肉饼 - 上菜即刻要『哗!』一声，只龙虾放系个肉饼上面，非常霸气，果然系肉饼哥! 呢个龙虾肉饼，比传统肉饼多咗一份鲜味。霸王鸡半只 - 普普通通。海皇杂菜煲 - 都几大煲。芥香四季豆 - 清清地，醒胃小菜，几好食。肉饼系佢地主打，果然无令人失望。佢地除咗配白饭之外，仲可以配菜饭，而个菜饭嘅菜都几青嫩。下次可以试下其他款式肉饼。