蘭芳園 (已結業)

又一个平常嘅工作日，同同事行左嚟食兰芳园，听食过嘅同事讲呢度装修几特别，野食都过得去，就抱住惊喜嘅心情一试！环境：呢度嘅装修的确几有特色，好有旧式大排档 同冰室嘅风味，打个卡都唔错！而且地方都算大，中午嘅时间主要都系一班打工仔落嚟一齐食饭，感觉都几正。食物：一入门口就见到一串串烧味挂晒喺门口，都估到呢度应该主打食烧味，果一日唔算太肚饿，就叫咗个烧腩仔红肠濑粉食，本身跟饭但系自己钟意食濑粉所以转咗。呢度嘅烧腩仔都几正，个皮又够脆，系真嘅烧腩仔，啲肉起码有三层，够晒肥够晒香。 不过老实讲，见其他同事叫叉烧捞面，啲叉烧真系削咗啲，又唔够肥，又唔够味道。所以叫叉烧真系要睇佢𠮶日靓唔靓...虽然我唔知系咪个别例子，但系下次嚟嘅朋友可以试下烧腩仔，我今次食真心推介！