南龍冰室 (已結業)

9点几夜妈妈先食晚餐，又冻又饿谂住食个快餐，于是就拣咗呢间茶记 - 南龙冰室。一入去就见到天花吊咗好多鸟笼(入面当然冇雀仔)做装饰，有黑色同白色拼凑而成，好特别。打开餐牌，有好多种常餐，有咩健康餐，营养餐等，Kiwi我就拣咗最平果个常餐，约40-50蚊有埋嘢饮，晚餐嚟讲超级平。嘢食好快就上。先嚟嘅系火腿奄列+牛油多士。火腿奄列一啲都唔Hea，煎蛋入面有足料嘅火腿，而牛油多士烘得刚刚好，多士唔会硬亦有香香嘅牛油味。再嚟就系火腿通粉。其实佢有多好种𩠌拣，如餐肉，五香肉丁，连司华力肠都有，但个人比较钟意食火腿，所以食火腿奄列都仲要叫火腿做𩠌食埋呢个热腾腾嘅通粉，饱晒。