潮食地

营业中

休息中

晚餐唔知去边度食好，咁啱行过呢间又似cafe又似中餐嘅茶餐厅。 入到去好cafe feel, 但原来系茶餐厅嚟架。 最后，我哋叫咗两个餐，一个西式一个中式。 我就叫咗蕃茄肉酱意粉，今餐有蘑菇忌廉汤同埋一杯热饮。 个蘑菇汤就非常出色，好入味，而且仲有细细粒嘅蘑菇肉。非常美味。蕃茄肉酱意粉就不过不失啦，但系一定好味过大家乐。意粉硬度适中，酱汁就中规中矩啦。而且仲配埋一杯比平时茶餐厅大份嘅热柠檬水 。 佢个份量都几大份㗎！第二个餐，我哋就叫咗葱油猪扒煎熟蛋饭。当然你哋可以叫佢整sunrise egg啦. 我哋系特别要求佢整熟蛋。我呢个葱油猪扒饭就真系好好味呀啲香葱放落啲饭度，你睇吓几送到饭如果再去，我都会拣葱油猪扒煎蛋饭如果大家喺荔枝角谂唔到有咩好食嘅话都可以试呢间。