泰玖

营业中

休息中

荃湾系香车街附近其实都有好多特色美食，其中一间就系泰玖，见系门面介绍有三间电视台曾经接受访问，质素应该有番咁上下。泰玖主打特式泰菜，另外地下系bar枱形式更加有气氛，另外仲有阁楼提供一般座位。呢个真系泰玖Signature首选，一上枱已经闻到蒜蓉香味，金黄色的外表都好吸引。由于系厚切，而面包好松软，所以一啖咬落去的感觉好正，就咁食都已经好好食，配埋咖喱又有另一番滋味。呢度有分青咖喱、红咖喱同埋黄咖喱，各有特色。今次就拣左青咖喱鸡，鸡肉用上鸡柳，肉质唔鞋，亦都无雪味。另外有好多唔同的蔬菜配料，所以都好丰富。呢度的串烧都有好多款，今次就试左鸡、牛同猪。最大惊喜系猪，平时都系食开猪肉，但呢度系用猪腩肉，所以油份会比较多同埋惹味。食开泰菜，点都要叫蔬菜，以前的我最钟意叫飞天通菜，但慢慢发觉椰菜苗都几好食，比起普通椰菜，少左涩的味道，而最重要系比较嫩，容易入口。呢杯又系泰玖Signature之一，首先份量超多，菠萝味都好出。另外呢度的乳酸真系黎自益力多，上枱都俾番个樽你做record，证明真材实料。