潮福蒸氣石鍋 (已結業)

放工后就同两个朋友去到位于西环既潮福蒸气石锅，虽然港九地区都有佢既足迹，但就要两位朋友就返我一次喇，呢边较近我。先讲总结，海鲜超级新鲜好食，但价钱偏贵。我一直都惊食煮熟既蚝， 惊会有蚝腥味，但今次都几惊喜，d蚝蒸熟完好新鲜，好甜！同生既无分别， 只不过口感无咁creamy，比较实净。蒸元贝真系超好食啊～自己一向食海鲜都必叫元贝，从未试过咁嫩既元贝，好少有，所以蒸汽海鲜真系有佢既独特之处(本来都唔信…)。个日既元贝有2款，一只日本一只好似系纽西兰，试晒2只蒜蓉蒸，非常香同鲜甜，最后连汁都倒埋落口完美！我就觉得产地分别唔太大，但日本既再鲜甜啲。鲍鱼肉质爽口，味道鲜甜，中间事先介开，等鲍鱼可以更短时间内蒸熟，保留鲍鱼的新鲜，减少肉汁的流失。手掌咁长既花竹虾上枱既时候仲识跳，好新鲜。虽然几十蚊一只虾都几贵，但无庸置疑既系物有所值，咬落去成口浓郁虾鲜味，毫无虾腥味，仲好弹牙啖啖肉，愈嚼愈香。啲虾上枱唔够三分钟就每人清左几只。赞！最后仲Order左个细既粥，见每台客人都叫呢个，一定有佢好食之处既，估吾到望落好少料煲出黎会有好大锅，仲好有味，有排骨既咸香同好突出既南瓜甜味，比起平时既粥多左份鲜甜，可