牛奶冰室 (喜韻商場)

营业中

休息中

难得放假又起得早，就出街揾下好野啖个靓早餐。见到有间新开茶餐厅就去试下，环境都算唔错（毕竟系新开），而且睇落都几干净，谂住可以发掘到好野。嗌左份碎鸡扒面（附上一份炒蛋+多士），睇到个招牌有佢地特色菠萝包，所以都顺便嗌左一个。鸡扒面既碎鸡扒味道唔错，脆口而且肉质结实，份量就得几旧唔系好多；个面就系普通公仔面，好差真系唔好食，如果有米线或者河粉会更加好，但汤底OK既。炒蛋同多士就正常发挥冇乜特别，都算OK。个特色既拉丝菠萝包几特别但味道一般，里面有流心芝士而且份量都算多，但就冇张相咁夸张既拉丝，不过胜在特别。