Sleepyhead

营业中

休息中

这店位置比较宁静，不会车来车往，店内有长吧枱，外边亦有座位，晒下太阳更觉写意。店长系一只白色超可爱嘅狗狗🐶黯然销魂菠萝叉烧包装好贴心，分开两件，唔会整污糟只手，菠萝皮外皮微脆，叉烧不会似中式叉烧偏甜，甜味黎自洋葱，叉烧肉质唔干，滑蛋口感更丰富。葱油鸡方型嘅面包外皮，有厚度但咬落非常松脆，葱油鸡肉质嫩滑，微带葱油香，加入洋葱同生菜，食晒都唔觉腻。配搭沙律菜(柚子柠檬汁)无论叉烧或葱油鸡包都配新鲜沙律菜，淋上柚子柠檬汁，蔬菜带微酸，爽口又醒胃。秘制沙嗲牛肉沾面(猪骨汤头)炸蒜、葱粒、沙嗲牛肉，猪骨汤底浓厚唔杰身，沾面拌入炸蒜葱粒好香口，面质弹牙，沙嗲牛肉够入味，溏心茶叶蛋层次丰富又好味。氮气泡沫港式奶茶加左氮气望落去层次上有两层，有港式奶茶味道，奶味不会太浓。招牌壹贰捌浓缩咖啡汤力冻饮嘅浓缩咖啡，咖啡够香亦不会太苦，加入左汤力，还带点酸酸感觉，汤力不会太多，容易入口。