回到味來 (已結業)

M佬：如果畀你穿越时空，回到未来，你想去边？A姐：我谂我想去返三年前𠮶一日......M佬：边一日？A姐：你同我表白𠮶一日！我谂要回到未来就有啲难，不过大家可以考虑下回到味来。无错系味来，唔系未来，系旺角一家特色打边炉店，主打药膳汤底。当归鸭药材汤底非常足料，已经煲到深啡色，有当归、红枣、沙参等药材，滚起𠮶阵，药材味更出。话明系当归鸭，就当然唔少得主角鸭啦！半只鸭肉斩件上，份量十足，非常厚肉。因为鸭件已经预先用药材腌好，所以食落有淡淡嘅药材味。滑鸡片鸡片切到薄薄，可见师傅嘅刀功。特别欣赏鸡片唔多肥膏，肉质嫩滑，正。足料韭菜饺自家包嘅韭菜饺，粒粒都好大粒，薄薄嘅水饺皮包住韭菜猪肉，入口肉汁丰富，韭菜香味浓郁，想再Encore多碟。皇帝菜心水清嘅Fans都知道我哋打边炉最钟意叫皇帝菜，呢到嘅皇帝菜新鲜爽口，入口清甜，好香皇帝菜独特嘅菜青味。