船皇 (大埔超級城) (已結業)

已经三年无返我嘅乡下泰国啦，间唔中我都会食泰国嘢，船面系我其中一样我钟意食嘅泰国嘢。大埔呢间方便我，所以我间唔中都会落嚟食，今次我order 咗二人餐，$198非常之抵，可以拣两个主食，1个小食，1个秘酱通菜，同埋两杯饮品加$30仲有个芒果糯米饭🍜 船皇汤面$58（单点价）**配料非常足，有牛腩、牛丸、牛肉片、鸡翼、鸡丝、猪肉、猪肉丸、猪润😆同埋最重要嘅炸猪皮。。船面个汤底做得唔错，好浓又唔会一味得个咸，又冇腥味，好香牛肉味。船面有几款面底可以选择嘅：蛋面、米线、河粉、金边粉。我今次就拣咗蛋面，面身做得几弹牙，同埋有淡淡的蛋味，完全吸收晒汤嘅精华👍🍜泰式卤水猪仔脾饭$72（单点价）**泰国米配三只猪仔脾，虽然只猪仔脾唔系好大只，但系煮得都好淋，同埋个卤水汁都好入味，又香口，配合泰国米同埋个汁几好食😁🐖 泰式串烧4串串烧牛舌、沙嗲鸡肉、沙嗲猪肉、牛柳粒😊- **秘制沙嗲酱汁做到好有泰式味道，少少辣少少椰汁味，烧到啱啱好，唔会太熟。几好食👍**芒果糯米饭甜品芒果糯米饭超大碟，佢个椰汁调教到几似泰国食到嘅味道，几正宗、少少咸少少甜，又好香椰香味。食完呢个真系好饱，呢个二人餐真系超值。