羅麥記 (V City) (已結業)

琴日去完朋友喺屯门嘅屋企打机之后同佢去左揾野食，佢就提议去呢间叫罗麦记嘅餐厅食。离佢屋企都唔算远，行左大概十分钟就到。黎到之后都要等左一阵先有得入坐。呢间餐厅设计好靓，好有六、七十年代嘅feel，坐得都算几舒服。由于喺朋友屋企食左d野嘅关系，就净系叫左一个砖头焗猪扒饭同埋一份麦SIR乳鸽仔。乳鸽黎先，我本身好中意食乳鸽，呢只乳鸽亦都无令我失望。佢嘅肉好嫩，亦都好有肉汁，45蚊抵！之后就到个砖头焗猪扒饭，原来系用方包皮黎围住个饭，整到好似旧砖头咁，都几得意。食落都唔错，猪扒唔会好干，唔挂得知系十大必食之一。