一家

营业中

休息中

🉐超多手调饮品选择🉐特色装潢香辣炸茄子🍆喺出面好少见到呢个菜式，就系将茄子刨成丝，然后拎去炸，每一条都沾满甜甜辣辣嘅酱汁，以前菜来讲份量超多，而且好香脆，叫嚟送酒系最佳选择。单耳秋葵👂🏻🥒呢一款都系凉拌前菜，单耳即系小云耳，加埋秋葵粒令人好开胃。外婆红烧肉👵🏻🥓红烧肉煮得好淋好入味，所以脂肪位置好重胶质，酱汁浓郁得来，又唔会太漏，仲有开边溏心蛋🥚，值得一试。滕椒豆干丝炒苦瓜🌶️🫑虽然唔系个个都钟意食苦瓜，但系呢度嘅苦瓜炒得好够味道，仲有唔少豆干丝，有少少辣味。温文爷爷🍺失魂堂弟🍹餐厅嘅饮品名称好特别，每一款都有独特嘅名称，有超多款式嘅手调饮品选择，而今次我同朋友试嘅饮品前者系椰子芝士奶泡🥥🧀、伯爵茶同椰子啫喱调制而成；而后者就系番石榴、橙🍊同汽水🥤调制而成，两杯都超大杯，绝对能够解渴。