瑞記咖啡

营业中

休息中

平日十一点几到，客唔多，眼见好似只有两个负责人工作，又煮又收，有少少乱，不过环境尚算整洁。食物方面，我点咗个樽仔冻奶茶、西多士同蛋牛包。算系各有特色。奶茶本身有糖，冇得走，唔算甜。相对传统港式奶茶而言，茶味唔浓，啱晒唔钟意浓味嘅人饮。整体上中规中举，不过不失。此处西多并非炸至金黄，而系烘底再沾上蛋汁后煎，然后再加上大量炼奶。味道而言，基本上系炼奶味，有一定甜度。口感上并无一般西多嘅脆感，取而代之嘅系一种软性嘅脆，算系有特色，可以一试。包身有烘过，少少脆，几香。内夹葱蛋免治牛，算唔错，但唔算值得大推。结论：平价茶餐厅，有少许特色，经过不妨一试。