影片
更多
2021-07-06
86 浏览
屯马线开通后搭车去Mikiki方便左好多，由启德站行过去只需要十分钟。今日就约咗朋友系Mikiki食西班牙菜，佢话系openrice见到个海鲜饭好吸引。西班牙辣肉肠炒蛋配脆马铃薯丝呢个炒蛋唔会好油但食落好滑，辣肉肠切得细细块，咬落啱啱好，马铃薯丝切得幼条，炸得香脆，好少食炸马铃薯丝，几钟意佢嘅口感，配埋炒蛋食一流。特色烤乳猪乳猪皮好脆，肉质鲜嫩多汁，配埋啲汁食好夹。乳猪烤得好软身，而且餐厅俾嘅位置喺近猪腿，所以非常肥美，皮下有少少膏而且好滑。西班牙海鲜饭呢个超吸引，有好多不同种类嘅海鲜，包括鱼、青口、蚬、虾、墨鱼，海鲜饭嘅汁带有香浓蕃茄味，而且够湿，好有传统西班牙风味。Chocolate & Mocha Smoothie 呢个外型好吸引，面头有成个冰，我个杯朱古力味好浓，饮落唔系好甜，感觉好解喝。朋友个杯Mocha都唔错，佢话唔太苦，味道略淡。总括而言，香港西班牙菜餐厅选择唔多，可以一试！
西班牙辣肉肠炒蛋配脆马铃薯丝
呢个炒蛋唔会好油但食落好滑，辣肉肠切得细细块，咬落啱啱好，马铃薯丝切得幼条，炸得香脆，好少食炸马铃薯丝，几钟意佢嘅口感，配埋炒蛋食一流。
特色烤乳猪
乳猪皮好脆，肉质鲜嫩多汁，配埋啲汁食好夹。乳猪烤得好软身，而且餐厅俾嘅位置喺近猪腿，所以非常肥美，皮下有少少膏而且好滑。
西班牙海鲜饭
呢个超吸引，有好多不同种类嘅海鲜，包括鱼、青口、蚬、虾、墨鱼，海鲜饭嘅汁带有香浓蕃茄味，而且够湿，好有传统西班牙风味。
Chocolate & Mocha Smoothie
呢个外型好吸引，面头有成个冰，我个杯朱古力味好浓，饮落唔系好甜，感觉好解喝。朋友个杯Mocha都唔错，佢话唔太苦，味道略淡。
总括而言，香港西班牙菜餐厅选择唔多，可以一试！
张贴
