Cafe Roma

营业中

休息中

放假唔一定需要北上，其实香港仲有好多特色餐厅，只系我哋好多人都仲未开发到。位于马湾嘅Cafe Roma ，就系其中一间相当有特色嘅餐厅，餐厅喺正沙滩旁边，吹住海风食西餐，赏心乐事。前菜叫咗一个吞拿鱼牛油果沙律，吞拿鱼刺身非常新鲜，油脂丰富，入口满满幸福感觉。红酒烩澳洲牛颊肉，牛肉味相当浓郁，而且又咬口，配菜材料亦相当丰富，有椰菜花西兰花同埋薯蓉。再叫多咗一个海鲜薄饼，材料有海虾鱿鱼烟三文鱼水牛芝士，份量十足，好食。最后值得一睇系佢个儿童餐，今次拣左迷你嫩鸡柳汉堡餐配脆炸薯条，跟汤同果汁，份量完全足够小朋友食。餐厅饮品选择亦相当多，分别叫咗两杯冇酒精饮品，Roma Punch同Pineapple Breeze 酸酸甜甜各有特色。