羲和小館 (已結業)

今日同屋企去咗东涌站上面嘅商场食晚饭，食咗呢一间片皮鸭中菜馆。我哋拣咗几款菜黎试。入到去先发现而家做紧周年优惠，片皮鸭八折，同埋每一日有唔同菜式有七折。驰名烤鸭啲皮脆啲肉嫩啲，完全冇干柴嘅感觉。师傅仲要喺你面前帮你片，所以啲鸭仲系脆卜卜。最特色嘅嘢系佢有自制芥辣酱汁，唔系平时𠮶种芥辣。𠮶种味比较淡同甜加少少芥辣嘅味道。师傅同我哋介绍鸭嘅三个部位都用不同嘅食法。有啲就加山楂同蓝莓酱，有啲就加传统嘅酱汁，最后就系佢𠮶只自制芥末。 特色之余都真系几好食。 浓汤酸菜鱼汤汁浓郁酸辣，鱼肉鲜嫩，完全吸收咗汤汁嘅风味，里面仲有好多芽菜，红薯粉同埋莴笋。吸晒啲酸辣汤味，酸辣鱼来讲佢呢度唔会好辣，不过麻味比较重。建议食咗其他菜式先，如果唔系就会琴左阵味。金银蛋浸莴笋呢个菜式喺出边冇咩见到，莴笋爽脆，配合完金银蛋又几特别。有咬口之余个味道有层次。姜汁红枣小桃胶姜汁少少辛辣加红枣甜甜地，小桃胶Q弹，而且有好多桃胶。食完都感觉到好补，女性啱晒。又驱寒又健康嘅甜品。总括黎讲，呢间餐厅食物几好食，服务周到亲切，环境都好舒服，价钱做紧特价亦都合理。下次再黎一定会继续试其他菜式。