雞翼山 (謝斐道) (已結業)

今日经过铜锣湾鸡翼山，就好挂住佢啲鸡翼。之前朋友带过我去旺角食过一次，我就超钟意。餐厅主打鸡翼，有多款不同口味，岩哂一班鸡翼控。餐厅有创意，口味多元化，有港式口味之外，仲有西式味道，款款都好吸引。menu粉色系好靓，鸡翼图好精美。我睇左好耐终于都选择好啦！下午茶单点一客港式避风塘蒜香。鸡翼一客4只，满布炸蒜粒好香口。炸蒜完全唔会好热气，蒜味好浓郁。鸡翼外层卜卜脆，中间肉嫩多汁好入味。下次想试下咸蛋黄口味。