街坊Cafe (已結業)

由于今日个lunch迟左食，到食饭时间仲好饱，行过见到有个甜品好特别，所以呢个晚餐变左tea咁。我话好特别嘅甜品就系呢个抹茶吉士鸡蛋仔伴雪糕喇，第一次见鸡蛋仔咁食法。😂我觉得都几好食，几特别。我好钟意个雪糕系红豆味雪糕，红豆加抹茶真系绝配。男友嘅阿华田吉士法式多士伴雪糕就麻麻地。首先我完全食唔到系阿华田，我地都以为系原味。呢个都特别嘅不过太腻了，相对之下鸡蛋仔无咁腻。呢个小食拼盘我觉得唔值得嗌，性价比低。左上嘅忌廉蟹饼食落太腍，唔知食紧咩。其余嘅洋葱圈、薯条同鸡翼都系普通，唔太特别。唔记得呢两杯饮品叫咩名，不过都系普普通通。整体而言，我觉得黎食个tea都不错，甜品几特别，味道都唔差。我见隔离食意粉都食得好滋味，有机会会再试下佢啲意粉。