國度84

营业中

休息中

上次黎南丫岛无意中试到呢间家庭式面包店几有水准，但铺位又细又唔起眼，要由门口既玻璃窗装入去望到熟悉既陈设先记得帮衬过，忍唔住入去行左转。铺头以面包、曲奇为主，咁岩见到有售沙冰亦唔贵，落单后几分钟内就有得饮喇。绿茶沙冰奶昔 ($28)冰冻幼滑既沙冰入口透心凉，绿茶奶味较重，唔会过甜，最特别既系忌廉上洒上曲奇碎，偶尔咬到带芝士牛油香既酥脆饼碎，竟然系意想唔到咁夹。 同类特饮系市区连锁咖啡店必定索价双倍，性价比奇高。迷你甜甜圈 ($7)、芝士脆条 ($12)简单讲句就系自家制新鲜茶点，呈现出最佳状态既烟韧、香脆，听老板娘介绍实冇错。 上次黎试过木糠布甸都好有水准，大大杯够滑又够冻。店内陈设都几有心思同童趣，虽然只有一张餐台，人流亦不绝，但多数人都外卖走，两次到访都好顺利咁独占两个座位。右方有整排面包架，店铺中央亦有U形柜摆放曲奇供客人选购，老板娘见我地拣得耐都好主动介始有咩款值得一试，态度亲切，记得上次黎仲问埋佢行山路线添。成日大力吹捧乜茶乜茶，其实香港本土出品都唔差丫。