影片
更多
2018-12-16
145 浏览
是咁的~好耐之前其实都留意到呢间韩国小店 加上近年喺观塘工业区果边其实多左好多楼上食店 今次就带埋女朋友仔同两个朋友一齐黎试下啦虽然第一次黎食 但呢间店俾我嘅感觉都系细左d 成个格局都几逼 不过唔紧要 为食好西坐逼d都ok嘅其实menu入都有唔少野食 而且唔系好普通果d人参鸡汤呀炒年糕呀紫菜包饭果类 反而系d特色韩国菜为主（想食番紫菜包饭果d呢间就唔啱喇 因为佢地系冇得卖嫁）咁我地一行四人就叫左半份柚子蜜牛油炸鸡 明太子蛋卷 海鲜煎饼 同埋唔记得左叫咩名嘅一份铁板烤肉追加年糕半份炸鸡都讲紧有成7~8件 每件size均等亦唔会太细 炸鸡咬落一d都唔干身柴口 外皮松脆得黎亦被厚身嘅柚子蜜包住 食落少少柚香配埋热辣辣嘅肉汁真系香而不腻 食得几旧都唔会好饱好济 牛油味亦唔系太浓 攞到个味但唔会喧宾夺主 属于高质素嘅炸鸡 旁边仲要有沙律菜而且仲有甜酸汁取代沙律酱醒胃得黎又健康 成份价钱仲要系快餐店嘅价 真系超值之选明太子蛋卷细细份 每人都试d就啱晒 即叫即整热辣辣 热辣辣嘅鸡蛋卷最能逼到个蛋香出黎配埋呢到个明太子酱 又系一份必食之选野饮等阵讲海鲜煎饼好香脆 但蛋浆太薄所以咬落似食薯片而唔系韩或煎
虽然第一次黎食 但呢间店俾我嘅感觉都系细左d 成个格局都几逼 不过唔紧要 为食好西坐逼d都ok嘅
其实menu入都有唔少野食 而且唔系好普通果d人参鸡汤呀炒年糕呀紫菜包饭果类 反而系d特色韩国菜为主（想食番紫菜包饭果d呢间就唔啱喇 因为佢地系冇得卖嫁）咁我地一行四人就叫左半份柚子蜜牛油炸鸡 明太子蛋卷 海鲜煎饼 同埋唔记得左叫咩名嘅一份铁板烤肉追加年糕
半份炸鸡都讲紧有成7~8件 每件size均等亦唔会太细 炸鸡咬落一d都唔干身柴口 外皮松脆得黎亦被厚身嘅柚子蜜包住 食落少少柚香配埋热辣辣嘅肉汁真系香而不腻 食得几旧都唔会好饱好济 牛油味亦唔系太浓 攞到个味但唔会喧宾夺主 属于高质素嘅炸鸡 旁边仲要有沙律菜而且仲有甜酸汁取代沙律酱醒胃得黎又健康 成份价钱仲要系快餐店嘅价 真系超值之选
明太子蛋卷细细份 每人都试d就啱晒 即叫即整热辣辣 热辣辣嘅鸡蛋卷最能逼到个蛋香出黎配埋呢到个明太子酱 又系一份必食之选
野饮等阵讲
海鲜煎饼好香脆 但蛋浆太薄所以咬落似食薯片而唔系韩或煎饼 韩式煎饼应该要有嘅烟un度系一d都冇 海鲜配料都唔算多 虽然有带子仔 鱿鱼等等 但真系太少 不过我觉得都系个蛋浆开得太薄食但又要煎到好香 所以就搞到好似食紧海鲜薯片咁 味道唔系唔好 但就失去应有嘅口感喇
呢份唔记得咩名嘅铁板系今晚最贵嘅一碟（$198）不过真系几好食 佢垫底有好多泡菜同埋我地追加嘅年糕而面头总共有四款肉 五花腩 猪肠 两款唔同煮法嘅猪手（一款系喺韩国好地道煮法嘅猪手：用辣酱炆淋d猪手去𩠌酒 另一款系近似咸猪手果种）份量非常足够而且味道好好 五花腩应该系分开烧熟之后放上板到 咁样就可以好好控制到五花腩片嘅肉质同肉汁 用烧嘅方法快速锁住肉汁而且保持肉质幼嫩最后阶段先放上铁板到就唔会导致腩片鞋身猪肠又都系好淋身相信亦系之前炆好左 唔错唔错两款猪手都各有各好 红色果款传统做法其实先最衬成碟铁板 因为用上同一款辣汁 而且猪手好淋好入味 正 另外果款猪手都好食 好似咸猪手咁你话会唔会唔好食啦
（不过我觉得唔系太有必要咁样做成铁板 因为四样肉入面似系有三款系预先分开用各自嘅方法整好 同呢个铁板冇咩太大关系）
最后见可以叫多少少野食 就叫一份牛舌 68蚊份量唔算多 但质素好高 牛舌火喉掌握系好重要 太熟真系惨过食橡筋（利申未食过橡筋）太生又冇口感同埋感觉上牛舌如果太生好似有d唔安全 呢到嘅牛舌就掌握得好 咬落去口感好好亦爆晒肉汁 属于高质牛舌！
讲总结就一定要讲杯野饮 我同一位朋友都系叫类似嘅饮品（有支雪碧喺上面嘅款）而我女朋友仔同另一位朋友就叫红色果杯荔枝特饮 其实味道唔错几饮特别系杯荔枝 咁我地果杯雪碧其实就冇咩特别你咪当饮雪碧啰都冇咩野不过问题系我地食完之后我同另一位同我饮类似款嘅朋友都有肚泻 虽然情况唔系严重 去多几次厕所就冇事 不过都希望餐厅留意下个卫生情况 工厦装修残旧系好正常所以选择喺工厦做食店嘅更要留要自己嘅卫生管理总括黎讲价钱正常味道都几好 而且好多特色野食 净系炸鸡都好似有5 6款味道俾人选择 而且所有野系即叫即整唔系一早整定有人落单先番整 加热 都值得一试嘅
张贴
