辛安東元祖奶奶雞 (已結業)

韓風咁盛行,得閒都要食下韓國野。黎辛安東元袓奶奶雞又點可以唔試下哩到嘅奶奶雞呢。 聽講哩個芝士安東奶奶雞係新出嘅,所以就試左佢。黎到都幾大份,我地兩個人食好快就飽左。因為入面除左雞,仲有 啲麵。麵嘅質地有小小似韓國冷麵嘅質地。仲有薯仔個啲,所以都幾飽下,味道都唔錯,係幾有特色嘅韓國野,畢竟係 其他地方都冇食過哩種。雖然飽,但係一早就叫左芝士地獄薄餅。佢嘅賣相好靚。芝士好多,咬嘅時候會拉左啲絲出黎。一開始食落係冇乜辣味 嘅,但係到後來,啲辣味就開始滲出黎,真係幾辣下。不過我地都食得辣,所以都覺得好好味。知道會食辣野,所以飲左鮮奶蜜桃汁,有小小似飲緊蜜桃味益力多咁,幾好飲。