韓閣 (已搬遷) 新店位置

今次拣左一间韩式小店同朋友庆祝生日，餐牌上既食物种类好多，而且价钱亦平宜近人。黎到食韩国野，必定要试一试韩式炸鸡，但又怕份量太多，所以我地叫左一个蜜糖芥末味既脆爆鸡膇翼（５只），然后再叫左一份甜辣年糕跟粉丝同泡菜猪肉芝士特色手卷。等左一阵炸鸡就到，我地二人份量刚刚好，蜜糖芥末酸酸甜甜中和返炸鸡既油腻，而炸鸡亦炸得好脆口，肉质唔会太亁。之后就到手卷，整体味道唔错，饭亦软硬适中，可惜紫菜唔太新鲜偏念。最后就系甜辣年糕跟粉丝，配料仲有韩式鱼片同豆卜，年糕烟韧，韩式粉丝弹牙有口感，而甜辣酱亦好惹味，但唔太食得辣既朋友建议唔好试，都颇辣。至于饮品我地叫左热既雪梨茶，有少少果肉，不会太甜但雪梨茶唔知点解有阵药材味…..下次有机会再会试多几样唔同既食物！