安客蔥雞

营业中

休息中

位于西营盘嘅型格韩国菜馆，主打多款地道韩式料理，同时亦有唔少特色韩国Cocktail供应，适合同朋友仔嚟聚餐。店内环境唔大，座位之间有适当距离，播住轻快韩歌，令人感觉舒适。午餐时段有套餐，推介无骨甜辣酱配炸鸡酱油鸡翼，鸡块炸至酥脆可口，肉质嫩滑啖啖肉，另有无炸嘅版本，两款各有千秋，可以一次过食晒，旁边附上饭团，沙律，萝卜同汤，性价比高。汤品选择有辣有唔辣，韩式牛肉锅好值得一试，牛肉份量多到夸张，超级大块，有厚有薄，肉质嫩滑唔嚡口，里面有杂菜、蛋同滑嘟嘟嘅面、汤底浓郁，带甜甜嘅牛肉香气，一定够饱。小食有芝士木鱼花飞鱼子蛋卷，酱汁绝对系灵魂，蛋卷唔算好滑但胜在厚身且带淡淡蛋香味，相信用咗唔少蛋去整。而饮品方面有柚子鸡尾烧酒沙冰同三重梳打特饮（菠萝芒果热情果），冰冰凉凉十分解暑。