Bingo & Cook (京都廣場)

营业中

休息中

好有街边小舖特色嘅韩国料理餐厅，价钱相对嚟讲唔算平。但如果食lunch set嘅话就性价比真系好高。同朋友一齐食一个炸酱面同埋一个芝士牛肉紫菜卷。之前一直以为紫菜卷系一半芝士一半牛肉，冇谂到系一个饭卷里面有埋芝士同牛肉。牛肉嘅量都可以，食落味道还算OK，不过之后唔会再点，无功无过。比较钟意嘅系炸酱面餐，有好多配菜。炸酱面本身嘅味道亦都好OK，唔会过咸或者过甜，食落好满足，特别适合喺天冻嘅时候嚟返一碗咁样热辣辣嘅面。全程都系喺网度点餐，亦都可以网上支付，整体来讲用餐比较方便。位置唔算多，当时去得早同埋有book位所以就OK，但后边越嚟越多人，如果想嚟食嘅话建议都系提前book返位。