銘陽車仔麵 (已搬遷) 新店位置

呢间车仔面种类繁多，啱晒我呢啲为食嘅人，坐低地方阔落，充满风味，咁先至系车仔面嘅特色麻。叫咗一碗送，分量十足，冬菇厚身，够晒爽，牛腩真系不可不试，肥瘦适中，牛柏叶，够晒大嚿，又够弹牙。食咗咁多肉，点可以唔叫番碟菜啊，碧绿色嘅生菜，够晒香口又脆口。呢款名就叫炸豆腐，其实实质系炸豆卜，新鲜炸起，炸至金黄色，粒粒脆身，内里弹牙，点上肉燥酱，别有一番风味。椒盐鱿鱼丝，唔会有一层粉包住，但系新鲜炸起，条条爽脆，又够晒入味，可惜呢个时间唔应该饮啤酒，如果唔系送返两杯就真系一流啦。酸辣云耳，够晒惹味，酸酸辣辣，为呢一个夏日，添加梁浸浸嘅风味。