影片
更多
2018-06-12
167 浏览
星期日做左成日，收工要同女朋友揾d好野食，喺荃湾睇完波鞋就去左二坡坊度揾食，点解嚟呢度？因为呢度有好多唔同既北方风味小店，有鸡煲，有烤鱼等等！今次我哋就俾常满既门口摆设吸引左！门外呢个摆设真系几吸精，见价钱都几大众化，入面又多人食，重点系浓郁既鸡煲味由铺头飘散出来，相信都系唔错既小店，就入去揾位开餐！店内空间不大，但没有因为咁就放到密密麻麻，台同台之间都有充足空间，绝对唔会太逼！而且楼底几高，冷气又够冻，坐落都舒服！坐底无耐，待应已经端上调味架俾我哋整酱汁，大致上都系同一般鸡煲店一样，有蒜蓉，辣椒等，特别在有一只系佢哋自家制既泰式辣汁，辣味十足，而且带点酸味，食得辣先好落多d! 不过其实食到最后，我哋都无太多机会点酱汁！ 因为由鸡煲到火锅配料都系非常够味！ 唔点酱汁仲好食！配料选择都几多，而且有唔少都系餐厅自制既配料，例如我今晚都有叫既梅酒千层肉，就未见过其他餐厅会有。而且待应都好热心介绍佢哋餐厅既独家配料，我发觉有好多都系有泰式成份在内，细说之下老板原来对泰国香料，菜式等情有独钟，所以有好多自家配料都有好多泰式成份！我哋落完单之后，就叫左个待应推介既饮品，自制木敦茶，材料系嚟自泰国，
门外呢个摆设真系几吸精，见价钱都几大众化，入面又多人食，重点系浓郁既鸡煲味由铺头飘散出来，相信都系唔错既小店，就入去揾位开餐！
店内空间不大，但没有因为咁就放到密密麻麻，台同台之间都有充足空间，绝对唔会太逼！而且楼底几高，冷气又够冻，坐落都舒服！
坐底无耐，待应已经端上调味架俾我哋整酱汁，大致上都系同一般鸡煲店一样，有蒜蓉，辣椒等，特别在有一只系佢哋自家制既泰式辣汁，辣味十足，而且带点酸味，食得辣先好落多d! 不过其实食到最后，我哋都无太多机会点酱汁！ 因为由鸡煲到火锅配料都系非常够味！ 唔点酱汁仲好食！
配料选择都几多，而且有唔少都系餐厅自制既配料，例如我今晚都有叫既梅酒千层肉，就未见过其他餐厅会有。而且待应都好热心介绍佢哋餐厅既独家配料，我发觉有好多都系有泰式成份在内，细说之下老板原来对泰国香料，菜式等情有独钟，所以有好多自家配料都有好多泰式成份！
我哋落完单之后，就叫左个待应推介既饮品，自制木敦茶，材料系嚟自泰国，味道甘甜，十分解渴，呢个木敦茶系老板自家制，我都系第一次饮呢只饮品，味道几得意，好过饮其他饮品！
由于女友有d咳，唔系几食得辣，今晚我哋叫左个花胶鸡煲，个汤鸡味浓郁，相信都煲左一段时间，另外有大量鸡同花胶，花胶随手都可以夹到几件，$198 又真系抵食，花胶爽滑，鸡件新鲜！第一次食呢种鸡煲，几新鲜！
花胶鸡煲
54 浏览
0 赞好
0 留言
花胶都几多，几大旧
梅酒千层肉，系一个必食既配料，看似平平无奇既5花腩，碗底有大量梅酒，放落去滚之前，一定要浸一下梅酒，我开头以为煮完既5花腩得返猪肉味，食落真系吓左一跳，因为有好强烈既梅酒味，因为咁半肥瘦既五花腩完全唔觉得肥腻！仲带一点点梅酒既甜味！呢个配料真系令人惊喜！
梅酒千层肉
16 浏览
0 赞好
0 留言
响铃食得多，头竹心太软还是第一次食，食落似斋素鹅，非常香脆，因为制作腐竹最初𠮶一浸，所以腐竹味较浓，可即时食用，也可加入鸡煲稍稍煮一下，吸一点鸡汤变得软稔才享用，也是另一种风味！
最后要特别赞餐厅既细心，餐厅知我哋想食多d唔同口味既手打丸同饺，帮我哋有一个口味变成三拼，先讲手工饺，系即叫即包，没有雪到d 皮都干晒，食既时候明显食得出来，没而且皮薄馅靓，我哋叫左3 款饺，包括：蕃茄粟米饺，丁香鱼皮饺，仲有樱花虾饺，每只都鲜味十足！ 鱼皮饺系三只入面我最喜欢的，用上新鲜既鱼肉加上芫茜，味道比平时既鱼皮饺更出色！
至于手工丸就有，手打黄金墨鱼丸，灌汤麻辣牛丸及醉心墨鱼丸，三款手打丸都做得弹牙，墨鱼丸更是爽口，而且都系高质素食材，各自都有唔同既包心！黄金墨鱼丸入面系流心既咸蛋黄，都几重口味，而麻辣牛丸个味唔系想像中咁麻同辣，不过都几惹味！
最出色还要算醉心墨鱼丸，不过真系要小心烫口，因为入面既花雕酒会比汤更热，要慢慢将d酒同肉汁啜出嚟，墨鱼丸弹牙，还带点酒香，系我从来未食过既味道！ 而呢餐饭都喺呢个咁惊喜既包心丸而完满地完结！ 我哋都劲满意呢餐鸡煲！
张贴
