皇轎印度餐廳 (已搬遷) 新店位置

第一次食印度野~坐低睇左一陣 menu無咩頭緒 ~餐廳職員就好熱心咁推介食物比我地吾記得影 menu…主要食物有雞，牛，羊，海鮮~值得一讚係餐廳仲提供素食嘅選擇呢個飲品芒果味好濃郁~口感比較“傑”~酸酸甜甜好好味聽個名好似好勁咁…印度名湯飲落有咖哩同芫茜味~湯入面有薯蓉，仲有少少飯…最好味係呢個牛腩好重香料味~有少少辣~個汁好“傑”配埋下面嘅烤餅…成件事好“印度”feel~撕一塊餅再加d汁~好味羊肉卷係鐵板上嘅~綠色個醬吾知係咩…好似係 yogurt？兩樣野夾埋一齊味道都ok~可以中和羊嘅羶味~今次食印度野都幾有驚喜wo