MOMO

营业中

休息中

上两个星期经开新北江商场，入去行下&揾下野食。在扶手电梯附近见到有间新食店，所以行去望下，原来系尼泊尔饺子。店铺细细，店员应该系尼泊尔人，开头仲同佢地讲英文，点知原来佢地识讲广东话架小店点都要支持下之后望望餐牌，有4款套餐选择，因为未试过尼泊尔菜，就拣左猪肉饺子+炸鸡+汽水(HK$50)。套餐有2件炸鸡，热辣辣好香口，加左甜辣酱，都几开胃。主角出场了，原来佢地d饺子唔系用水烚，系用蒸笼蒸的。套餐有10只饺子，唔算系好大只。饺子有个酱，唔记得问系乜酱，不过酸酸地，同饺子一齐食都几岩味道。