古月

营业中

休息中

今次同朋友嚟一次过试咗佢嘅招牌菜辣椒板面，同埋个青咖哩猪颈肉饭。咖哩系偏甜同埋辛辣而且仲捞咗非常多香料，好惹味，而且觉得系好适合香港人嘅口味，捞饭非常好食，可惜啲饭煮耐左痴得太实；猪颈肉就啱啱好但系佢切得太薄了，虽然有几块但份量偏少。辣椒板面有好多配料例如啲鱼干仔等等，好惹味。可惜佢冇另外有其他肉类嘅配菜令到我呢啲食肉兽觉得唔够喉。班兰拉茶同之前试嘅玉桂奶茶茶底应该一样，甜度刚刚好非常适合香港人口味，而加咗班兰就令佢更加香；但系三式奶茶我就觉得唔系好值得加咁多钱了，因为啲嘢捞埋嘅味道同普通奶茶一样而且佢个三色都唔系做得特别明显。