影片
更多
2018-07-31
302 浏览
椰香咖央多士$17必试！真心推荐！多士焗得恰到好处！焗到金黄，脆口得黎，面包中间仲保留到少少松软既口感。平时食茶记多士烘底最惊系食到刮口，苏妈既咖央多士绝对唔会有刮口既问题～同埋咖央馅料份量十足！平均地涂匀面包之余，啲咖央仲系边边滴出黎。每一啖都食到咖央，唔会得中间有馅、边位无味道方面，由椰浆、鸡蛋、牛油、砂糖等材料制作而成既咖央酱颜色偏黄，椰浆既香味慢慢飘出，咖央唔会过甜，食完两块都唔会漏。个人认为好好食，下次必定再encore！我见大部份客人都有嗌咖央多，咁你知咩事啦～辣死你吗配咖喱鸡肉$40个饭有椰浆饭、参巴酱、青瓜、花生、干鱼仔、薯仔、蛋，当然唔少得鸡肉！椰浆饭份量唔少，应该有两碗。颜色带绿，食落带淡淡椰香，几特别。虽然去过马来西亚，但冇谂过第一次食椰浆饭竟然系系香港><参巴酱好味呀！参巴酱味道有啲复杂，甜甜地、又带有些少辣味，酱入面有煮淋左既洋葱丝。虽然唔知参巴酱系点整既，但用佢黎捞饭食，一流！我觉得成碟饭最惊喜系参巴酱青瓜两片，属普通货色，口感爽脆，但系空气中放耐左，水份流失、偏干，唔够新鲜花生十数粒，表面带盐粒，咸香脆口，丰富口感干鱼仔好脆，不过就冇咩味薯
椰香咖央多士
$17
29 浏览
0 赞好
0 留言
必试！真心推荐！
多士焗得恰到好处！焗到金黄，脆口得黎，面包中间仲保留到少少松软既口感。
平时食茶记多士烘底最惊系食到刮口，苏妈既咖央多士绝对唔会有刮口既问题～
同埋咖央馅料份量十足！平均地涂匀面包之余，啲咖央仲系边边滴出黎。
每一啖都食到咖央，唔会得中间有馅、边位无
味道方面，由椰浆、鸡蛋、牛油、砂糖等材料制作而成既咖央酱颜色偏黄，椰浆既香味慢慢飘出，咖央唔会过甜，食完两块都唔会漏。
个人认为好好食，下次必定再encore！我见大部份客人都有嗌咖央多，咁你知咩事啦～
辣死你吗配咖哩鸡肉
$40
50 浏览
0 赞好
0 留言
辣死你吗配咖喱鸡肉$40
个饭有椰浆饭、参巴酱、青瓜、花生、干鱼仔、薯仔、蛋，当然唔少得鸡肉！
椰浆饭份量唔少，应该有两碗。颜色带绿，食落带淡淡椰香，几特别。虽然去过马来西亚，但冇谂过第一次食椰浆饭竟然系系香港><
参巴酱好味呀！参巴酱味道有啲复杂，甜甜地、又带有些少辣味，酱入面有煮淋左既洋葱丝。虽然唔知参巴酱系点整既，但用佢黎捞饭食，一流！我觉得成碟饭最惊喜系参巴酱
青瓜两片，属普通货色，口感爽脆，但系空气中放耐左，水份流失、偏干，唔够新鲜
花生十数粒，表面带盐粒，咸香脆口，丰富口感
干鱼仔好脆，不过就冇咩味
薯仔有三旧，煮得几好，唔会过淋亦唔会太硬。但唔入味。
蛋半只，系普通白烚蛋
咖哩鸡肉三旧连皮，肉质尚算硬实、唔系淋身既鸡肉，但肉味当然无啦（亦唔会期望佢有）
咖哩偏甜无咩辣味，系椰浆味咖哩
蛋白质控觉得如果鸡肉多返啲就好啦！
一个人食晒成个饭会劲饱！要同朋友share。有机会试埋牛肉先～
皇帝骨
$48
57 浏览
0 赞好
0 留言
百吉爹肉骨茶（皇帝骨）$48
皇帝骨有四旧，份量唔多。几啖就无左～
肉夹杂左些少脂肪，唔中意食肥膏既我觉得脂肪比例还可以接受既，当然全瘦更好啦！落order果阵叫左呀姐尽量拣瘦既，但都唔系话好瘦，不过都冇办法。（唔会话你知系因为想食瘦啲先叫皇帝骨）
皇帝骨
$48
36 浏览
0 赞好
0 留言
肉质方面，煮得够淋，一咬就开。
味道方面，可能肉骨茶较浓味，相较之下肉就显得冇咁入味。
肉骨茶
17 浏览
0 赞好
0 留言
肉骨茶有药材味，但唔算太浓，唔知系熬得耐定盐落得重手左，肉骨茶整体黎讲个咸味跑赢左药材味，死咸既味道更出。个人认为肉骨茶唔算好好饮。
三道食物中，意外既系肉骨茶最为失色。可能期望越大就越难达到～加上系马来西亚饮过啲劲重药材味、劲好饮既肉骨茶，有对比就自然有伤害
环境方面，装修得好有特色，地方企理。可惜既系细台唔多，少人要搭台，有四人台、二人台（要有缘份先坐到）同大圆台（搭台）食饭要同人搭台会食得冇咁享受，同身边朋友既闲聊都会就住就住，希望可以改善下。
服务方面，呀姐啲服务真系麻麻，我入去果阵开门无耐，但二人台已经满晒，但仲有几张四人台，我地两个人想坐四人台，等有人黎再搭，但个呀姐唔比。转个头，一齐搭既两个人话要调过去，佢就话好，咩意思姐
无可否认，食物质素唔差既。价钱亦唔算贵，仲无加一。
见叻沙同薄饼都好多人嗌，下次一于试埋佢地先！啊！仲有招牌老鼠粉呀！
顺带一提，要食就最好趁早啦！平日晏就十二点开始门口已经有人排队啦。
张贴
