一杯鐵板燒居酒屋 (已結業)

听闻呢间居酒屋嘅大坂烧几好食，所以就约埋朋友一齐去试试真伪～原本以为价钱都几贵，但系除咗啲牛扒、羊架、鸭肉𠮶啲之外，其他野食价钱都算系中等嘅待应问要水定要茶，但系无事先讲话要收钱，所以我同朋友就蒙惺惺咁叫咗壶茶，不过茶嘅味道唔错，几甘香，好配合阵间重味嘅大坂烧，好彩之后加水唔洗再俾钱打头阵嘅就系一杯关西烧，用得餐厅名嘅菜式，相信一定系推介菜式黎，大大份嘅关西烧，一切开就见到满满嘅椰菜，而呢个关西烧主要系用牛筋，所以见到有一粒粒方形嘅牛肉粒同牛筋粒，啫喱状嘅牛筋粒配爽脆嘅椰菜丝，口感配合几特别。而且份量都颇大，仲偏向多菜，可以中和表面浓浓嘅酸甜烧汁普遍嘅菜式都系用啲正路嘅猪牛鸡羊，呢到就用咗偏门嘅鸭肉，再配上日式面条，整成呢碗合鸭荞麦面。鸭肉并唔系用一般嘅堙鸭胸，而系鸭肉片，鸭肉肉质都算嫩滑，而且有淡淡嘅烧汁味荞麦面几幼细且有弹性，再加上大量嘅碎葱，味道非常融洽我对鳗鱼真系情有独钟，但系鳗鱼都唔平，见到呢个鳗鱼茶渍饭价钱都算适中，所以就叫一碗黎满足下自己～相比起碗面，呢碗饭嘅份量都几少，而鳗鱼都系细细粒，放埋紫菜同芥辣，再倒清茶落去，味道都几淡，反而凸出咗烤鳗鱼粒嘅味道