亞谷特蘭州牛肉麵

营业中

休息中

行过天后想食碗面，地铁站附近就见到呢间餐厅，佢唔系卖普通鱼蛋粉都唔系卖米线，而系专做特别手工兰州拉面，近近地就入去试吓佢出名食各种牛肉面，担担面同炸酱面，但都有提供唔同嘅饭类。我就嗌咗个胡同儿炸酱面，屋企人就叫咗个新疆大盘鸡寛面，见全部都系肉，叫番啲蔬菜配搭下，就叫多个四川泡菜同凉拌木耳。呢间餐厅好特别，来嘅种类都有6款，细睇返原来系唔同形状嘅面，我估形状唔同口感应该都有分别😂😂我叫咗炸酱面，面就拣咗二细，肉酱都系由猪肉碎、豆干、香菇煮成嘅一个酱汁，再搭埋青瓜丝，成碗面卖相好吸引🤤，食落去面好有口感同弹性，肉酱味道啱啱好，香得来唔会太咸👍🏻👍🏻未听过新疆大盘鸡，所以就叫嚟试吓，见到由鸡件洋葱薯仔同辣椒煮成嘅一个𩠌，肉汁浓郁，用嚟捞面一流，鸡肉件数好多，仲要啖啖肉，一个人根本食唔晒👍🏻，而佢宽面就好似刀削面，面可以挂多啲汁，每啖都好滋味。四川泡菜小辣，凉拌木耳系用陈醋浸，所以食落好开胃，配面一流。见到佢有做小龙虾放题，睇落去好吸引，不过留返下次先再试啦。