譽小館 (已易手) 新餐厅

今日约咗班亲戚喺上水饮茶，住呢边嘅亲戚就介绍左呢间饮茶嘅地方，其实我都系第一次呢间餐厅，但佢环境干净，比起一般茶楼光猛同埋坐得舒服，所以个感觉都几好，而且佢又唔会要你搭枱，所以可以同啲亲戚朋友畅所欲言。呢度有唔少点心喺平日啲酒楼都比较少见嘅，所以呢度嘅侍应姐姐都介绍咗几款特别嘅点心，叫我地可以试吓。其中我觉得个药膳鸡脚系好好味嘅，加上我本身钟意食鸡脚嘅人，所以都好钟意。另外有一个黑松露带子饺，睇落超级劲锦，食落味道亦都好好。另外在叫咗流沙包、虾饺、小笼包、鹌鹑蛋烧卖、肠粉……仲有一啲饭同埋面。最后叫个杨枝甘露糖水，非常完美。点心嘅质素都有中上。价钱方面亦都好大众化同合理。