探花 (已結業)

㖊日喺铜锣湾经过一家新开冇耐嘅点心舖头，见佢装修都几好，我就同太太想试下新嘢，于是就入去试，都有好多款唔同嘅点心，我哋叫咗雨前龙井，叫咗点心有萝卜春卷，不过春卷外皮有啲油， 但系脆嘅， 萝卜 好甜冇苦味， 佢有一个 黑毛猪 芥兰98蚊， 有啲贵 ,但系都 爽口，不过肉碎就少咗啲， 另外个和牛烧卖都可以试下， d 木鱼铺咗喺上面几有特色， 和牛 几好食， 另外有一个素食叫做炸 鳝 ,其实系啲冬菇， 但系攞到出嚟嘅时候个𩠌真系好似 鳝嘅 ,上面仲放咗啲 刨姜丝， 卖相又靓， 甜咗少少，可能我同我太太都唔系好钟意太甜，但系个味道其实都系有香口又好味， 好彩有 刨姜丝 去中和返啲甜味 ,有一个餐牌冇嘅𩠌叫做西班牙虾西多士， 个职员介绍我哋试下 呢个多士，嚟到热辣辣， 个多士系脆口嘅， 个职员会教我哋点样食，配合埋个 虾膏酱汁几好食， 不过我太太就唔钟意点酱汁，佢净系要入面𠮶两粒蕃茄 同埋多士一齐食都好好味 啲员工service都几好，佢地见你杯茶冇喇，佢地会帮你斟， 又会同你倾下偈， 再配合埋佢哋嘅环境， 餐具摆设 ,琴日我同太太都食得好开心