影片
更多
2014-04-14
1810 浏览
一向都几钟意东海堂啲产品，因为用料及质素一直都保持水准。一时兴起，又想食件冻饼激励一下自已，因为工作遇到少许阻滞，但自从近中环地铁站嘅分店折咗之后，要帮衬就要走到过去香港站嘅分店，极为唔方便，真喺晌公司行过去嘅话，跟去金钟嘅分店相差无几。趁帮公司过开去银行入票，为时尚早，未到食晏时间，所以，唔单只饼柜仲有好多款式，而且又未多客，大可以慢慢拣 。之不过，无理由净喺买自已一份嚟下午茶架，故此，多买两件拎返屋企，同老婆一齐慢慢叹，顺利完成依次特殊任务 。 焦糖卷 $14 小弟一向喺焦糖、拖肥粉丝，所以，晌饼柜一见依款焦糖卷，就二话不说唔使多讲，就喺佢。朱古力卷蛋加上焦糖鲜忌廉，简单唔花巧，而卷蛋软绵，忌廉挺身而柔滑，又带点焦糖香，非常好食。再配番杯咖啡，顿时感到一份写意 。 芒果吉士挞 $18 吉士挞系列都已经出咗好耐，依家都仲有得卖，证明仲有市场，6款吉士挞里边已试过栗子吉士挞及白桃吉士挞，而此刻吕宋芒当造，相信拣芒果吉士挞应该上算。牛油挞底十分松脆，挞壳之上铺有一层朱古力浆及海绵蛋糕，阻隔水份渗腍挞壳。中间嘅吉士忌廉做得软滑，跟住就喺铺到满满嘅芒果粒，多得绝无欺场，
趁帮公司过开去银行入票，为时尚早，未到食晏时间，所以，唔单只饼柜仲有好多款式，而且又未多客，大可以慢慢拣 。之不过，无理由净喺买自已一份嚟下午茶架，故此，多买两件拎返屋企，同老婆一齐慢慢叹，顺利完成依次特殊任务 。
焦糖卷 $14 小弟一向喺焦糖、拖肥粉丝，所以，晌饼柜一见依款焦糖卷，就二话不说唔使多讲，就喺佢。朱古力卷蛋加上焦糖鲜忌廉，简单唔花巧，而卷蛋软绵，忌廉挺身而柔滑，又带点焦糖香，非常好食。再配番杯咖啡，顿时感到一份写意 。
芒果吉士挞 $18 吉士挞系列都已经出咗好耐，依家都仲有得卖，证明仲有市场，6款吉士挞里边已试过栗子吉士挞及白桃吉士挞，而此刻吕宋芒当造，相信拣芒果吉士挞应该上算。牛油挞底十分松脆，挞壳之上铺有一层朱古力浆及海绵蛋糕，阻隔水份渗腍挞壳。中间嘅吉士忌廉做得软滑，跟住就喺铺到满满嘅芒果粒，多得绝无欺场，最紧要啲芒果粒够熟够甜嘛 。
冲绳紫薯挞 $20 冲绳紫薯系列喺由上年年尾嘅新推产品，卖点喺用上100%冲绳紫薯制作，兼且标注著冲绳宫古岛市农林水产部使用推荐 。将个冲绳紫薯挞分开两半，清楚睇到有几多紫薯，紫薯蓉质感软绵，富蕃薯香，加上外形典雅，唔怪得都仲喺店方嘅热买。此外，下面加有朱古力海绵蛋糕及牛乳忌廉，再配牛油挞底，同样令味道丰富，口感多变 。
试过3款甜品之后，仍然对东海堂嘅出品投下信心嘅一票。有时候，都唔一定要花四、五十蚊先可以食到滋味靓饼嘅，中价嘅一样有好多选择，最紧要喺你有无用心去感受 ！
张贴
