影片
更多
2024-02-27
34 浏览
假日时间特别钟意喺中上环附近徘徊，𠮶头好多特色Cafe小店可以逐一试下，每间小店都有佢哋嘅故事值得我哋去发掘！今次呢间Cafe喺港大附近，有两层高，店舖内用上黑色作为主调，楼上就比较偏向家庭风格，仲有啲懒人椅，有足够嘅空间提供比客人聚会、做自己嘢慢慢Hea！小店由店主一人一手打理，店主对咖啡好有要求，味道配搭同品质一啲都唔马虎，有好多熟客仔专程过嚟饮返杯啡！☕️-——————————————🍝◖罗勒辣肉肠意粉◗ $95小店人手有限，每日有五款意粉，每日嘅款式都有机会唔同，好似开盲盒咁！辣肉肠带轻微嘅辣味，意粉煮得口感啱啱好，每条都挂晒啲茄酱，味道微辣特别开胃！🍳◖All Day Breakfast◗ $98全日早餐系Cafe必点嘅菜式，一次过可以试晒咁多款食材！呢个ADB有烟三文鱼、车打芝士脆皮肠、炒蛋、白蘑菇、沙律同牛角包，超丰富！佢嘅炒蛋同脆皮肠做得唔错，夹埋个牛角包一齐食，正！🍹◖Apple Tea Coffee◗ $60咖啡豆偏fruity，有淡淡嘅苹果香，成杯嘢嘅感觉好清好香☕️◖Hojicha Chocolate Latte◗ $55焙茶同朱古力嘅香味出奇地夹，都唔会互相掩盖，
-——————————————
🍝◖罗勒辣肉肠意粉◗ $95
小店人手有限，每日有五款意粉，每日嘅款式都有机会唔同，好似开盲盒咁！辣肉肠带轻微嘅辣味，意粉煮得口感啱啱好，每条都挂晒啲茄酱，味道微辣特别开胃！
🍳◖All Day Breakfast◗ $98
全日早餐系Cafe必点嘅菜式，一次过可以试晒咁多款食材！呢个ADB有烟三文鱼、车打芝士脆皮肠、炒蛋、白蘑菇、沙律同牛角包，超丰富！佢嘅炒蛋同脆皮肠做得唔错，夹埋个牛角包一齐食，正！
🍹◖Apple Tea Coffee◗ $60
咖啡豆偏fruity，有淡淡嘅苹果香，成杯嘢嘅感觉好清好香
☕️◖Hojicha Chocolate Latte◗ $55
焙茶同朱古力嘅香味出奇地夹，都唔会互相掩盖，成杯咖啡唔会太甜，先饮出焙茶嘅香味，再带可可嘅余韵，味道比较较有层次
🌟Encore指数：8.7/10
张贴
